Kreu i Partisë Demokratike, Lulzim Basha është duke zhvilluar një vizitë në zonat e përmbytura të qarkut të Fierit.
Ndalesa e parë e liderit të opozitës ishte fshati Darzezë, por për shkak të prishjes së urës lidhëse me të, Basha nuk arriti të futet në brendësi të fshatit.
Kreu i PD-së përgëzoi forcat xheniere të ushtrisë, që po punonin për rivendosjen e lidhjes mes zonës së përmbytur dhe pjesës tjetër të Fierit, ndërsa theksoi se situata është emergjente dhe banorët e prekur kanë nevojë për ndihma.
“Situata është mjaft emergjente, veçanërisht për ndihma me ushqime, veshje dhe strehim për banorët e zonave të përmbytura”, tha Lulzim Basha./Top Channel/
