Aromë e fortë në banesë, pranga 2 shqiptarëve për drogë në Britani

Mediat britanike raportojnë se dy shqiptarë janë dënuar me burg për kultivim kanabisi, pasi në banesën e tyre u gjet lëndë narkotike. Autoritetet britanike në Darven thanë se kanë prangosur shqiptarët, pasi fqinjët ishin ankuar se në banesën e tyre vinte një erë e fortë që ngjante si erë droge.

Shqiptarët e arrestuar janë Mentor Vata dhe Shpresim Vehapaj. Bastisja ndodhi në 24 qershor, ndërsa dy shqiptarët u dënuan përkatësisht  Mentor Vata  me dy vjet burg dhe Shpresim Vehapaj mori një dënim prej katër muajsh. Gjykata vendosi që shqiptarët, pasi të mbarojnë dënimin me burg, do të dëbohen nga Britania.

  • foto galeri

Kultivimi i kanabisit në banesë

Dy shtetasit shqiptarë e kishin shndërruar banesën e tyre në një laborator të kultivimit të kanabisit, pasi ata lëndën narkotike e kishin mbjellë nëpër dhoma. Në dhomën e parë oficerët gjetën rreth 20-30 bimë, në fazën e hershme të rritjes, si dhe llamba për ndriçimin e lëndës narkotike.

Edhe në dhomën e dytë u gjetën rreth 20-30 bimë, në të njëjtat kushte që ishin edhe në dhomën e parë. Ndërsa në dhomën e tretë u gjetën bimë të thara dhe në papafingo u gjetën rreth 50-60 bimë.

Vjedhja e energjisë elektrike

Policia kishte informacione se energjia elektrike në banesën ku jetonin shqiptarët merrej në mënyrë të paligjshme. Vata 26 vjeç dhe Vehapaj 26 vjeç nuk kishin adresë fikse banimi atje dhe gjithashtu as të dhëna kriminale në Britani.

Seanca gjyqësore, avokati: Kishin ardhur për jetë më të mirë

Avokati i dy shqiptarëve, Adam Uatkins deklaroi përpara togave të zeza se dy klientët e tij kishin ardhur në Britani në mënyrë të paligjshme për një jetë më të mirë. Ai shtoi se dy shqiptarët do ta kishin të vështirë burgun, pasi nuk flasin as anglisht.

Avokati deklaroi se Mentor Vata ka ardhur në Britaninë e Madhe me kamion dhe se e ka bërë atë udhëtim vetëm për jetë më të mirë e për të ndihmuar familjen në Shqipëri. Avokati nënvizoi se Vata nuk mund të bënte ndryshe përpos se të merrej me këtë punë për të pasur të ardhura sa më të mira.

Ndërsa për Shpresim Vehapaj, avokati deklaroi se ai kishte punuar në sektorin e ndërtimit në Londër dhe se ndodhej në atë banesë vetëm për disa orë. “Ai nuk është i përfshirë në këtë ngjarje. Ai ka pranuar se do të paguhej për ndihmën në ato pak orë”, tha avokati.

Edhe më herët mediat britanike kanë shkruar për shqiptarë që arrestohen e burgosen për drogë. Në artikuj thuhet se shqiptarët në tërësi zgjedhin të merren me drogë, me qëllim që të paguajnë borxhet që kanë, pasi paguajnë shuma të mëdha për të mbërritur në Mbretërinë e Bashkuar, shpesh në mënyrë klandestine.

- ISLAMSHOP.CH -

LEXO MË SHUMË

Kongresmeni Engel: Serbia duhet ta njohë Kosovën

Kryetari i Kuvendit të Kosovës, Kadri Veseli, në vazhdën e takimeve me personalitete të njohura të politikës amerikane është pritur sot në një takim...

Formacione misterioze në plazh, të pashpjegueshme për shkencëtarët!

Formacione misterioze në plazh, si ato në Dorset, Angli, ende janë të pamundura për t’u shpjeguar plotësisht se si formohen. Ato ndodhin gjatë ose pas...

Çështja CEZ, Shkëlzen Berisha në Prokurori

Shkëlzen Berisha është thirrur mbrëmë nga prokurorët e Tiranës për të dëshmuar në lidhje me procesin e privatizimit të kompanisë OSHEE te çekët e...

Së fundi

“Falsifikim dokumentesh, ndihmë për kalim të paligjshëm të kufijve”/ SPAK nxjerr emrat e grupit prej 17 personash

Prokuroria e Posaçme Kundër Korrupsionit dhe Krimit të Organizuar ka regjistruar një procedim penal ndaj një grupi personash të cilët akuzohen për vepra si...

Pesë respiratorë të rinj te “Shefqet Ndroqi”, Manastirliu lidhet me stafin e Covid-2: Rrisim kapacitetet

Ministrja e Shëndetësisë dhe Mbrojtjes Sociale Ogerta Manastirliu ka komunikuar drejtpërdrejt me ekipin e mjekëve dhe infermierëve të reanimacionit të spitalit COVID 2 “Shefqet...

Trageti “i ngecur” në ujërat greke numëron 122 të infektuar me Covid-19

Ka shkuar në 122 persona numri i të infektuarëve në tragetin “Elfterios Venizelos”, i cili që prej më shumë se 14 ditësh ndodhet në...