TEKNOLOGJI

“Apple” ul çmimet e “iPhone”-ve në Kinë. Një “XR” blihet 118 dollarë më lirë

Spread the love

Një sërë dyqanesh elektronike në Kinë i kanë ulur çmimet e “iPhone”-ve këtë javë, pasi “Apple” fajësoi nivelin e ulët të shitjeve të “smartphone”-ve në këtë vend për tkurrjen e fitimeve të saj.

Uljet, aq të ndjeshme sa shkojnë në 118 dollarë për një “iPhone XR” me 64 gigabyte memorie (5.699 juanë, nga 6.499 juanë normalisht), është shenja e fundit se shitjet e dobëta të “Apple” gjatë sezonit festiv në Kinë mund të jenë shtrirë deri në tremujorin e tanishëm.

Zbritja e çmimit të “iPhone”-ve nga shitësit kinezë nisi këto ditë, me të paktën 6 oferta të forta promovuese për fundjavën, sipas verifikimeve të bëra nga “Reuters”.

“Apple” nuk iu përgjigj kërkeses për komente. Çmimet për “iPhone” të shitur përmes faqes së saj kineze mbeten të pandryshuara. Uljet e çmimit nuk janë të rralla në raste të tilla tregtare, si “Dita e beqarëve” në nëntor, por këto të fundit konsiderohen të pazakonta, duke qenë se lidhen me modelet më të reja të “Apple”-it, XS dhe XR, të hedhura në treg vetëm disa muaj më parë.

Mo Jia, eksperte e industrisë së telefonëve “të zgjuar” në Kinë beson se, çmimet i ka ulur vet “Apple”, ose zbritjet mund t’i kenë bërë shpërndarësit, me qëllimin të lëvizin sa më shumë njesi.

Related posts

Apple plane për ditën e Tokës, zgjeron programet e riciklimit!

dritatv

Pasi ta lexoni këtë, nuk do të mbani më kufje në vesh!

dritatv

Interneti mbush 30 vjeç, por për shumë vazhdon të jetë një ëndërr!

dritatv

Leave a Comment