ZVICER

Ambasadori i Zvicrës: Rishkrimi i kufijve asnjëherë nuk ka funksionuar

Spread the love

Ambasadori i Zvicrës, Jean-Hubert Lebet tha se Zvicra ka koncentruar kapacitetet e saj në sektorët në të cilët duhet të kenë zhvillim, duke mbështetur kështu dialogun dhe çështjen e të pagjeturve, duke arritur drejtësinë për viktimat.

Ai tha se politikanët duhet të parashtrojnë pyetjen se si do të ndikojë një marrëveshje në jetën e qytetarëve, teksa dha 4 leksione.

“Pikë së pari, mund të them që rishkrimi i kufijve asnjëherë nuk ka funksionuar. Kjo nuk ka dhënë paqe të qëndrueshme. Nëse nuk kujdesen vazhdimit për paqen, të njëjtat gjëra do të jenë të gjalla edhe pas lëvizjes së kufijve, madje vetëm sa do të bëhen edhe më të komplikuara. Mësimi tjetër është; ,mos bëni asnjëherë marrëveshje me zor, madje edhe më pak për këto imponimet për të shtyrë me forcë përpara. Më lejoni të kujtoj çfarë tha presidenti Trump: ‘mos u nxitoni, mos u nxitoni’, kjo është ne Guardian më 27 shkurt dhe mund ta gjeni aty. Mësimi i tretë është se nuk ka asnjë model ku duhet të merret model për ndonjë vend. Nënshkrimi i një marrëveshjeje nuk është mësimi kryesor. Nëse palët nuk dëshirojnë të arrijnë tek një marrëveshje, atëherë kjo nuk do të ndodhë”, tha ambasadori i Zvicrës në tryezën me temën “Si e sheh delegacioni shtetëror të ardhmen e dialogut Kosovë-Serbi”, organizuar nga Instituti Demokratik i Kosovës.

Në këtë tryezë nuk janë të pranishëm drejtuesit e Ekipit shtetëror për dialog me Serbinë, Shpend Ahmeti dhe Fatmir Limaj.

Related posts

Zvicra po kalon gripin më të rëndë prej më shumë se 10 vitesh

dritatv

Gjyqësori kosovar në kaos: 342 mijë lëndë të pazgjidhura

dritatv

Zhduket miliarderi gjerman në Alpet zvicerane

dritatv

Leave a Comment