Para çdo udhëtimi të gjatë, veçanërisht me avion, çdo grua shtatzënë është mirë të këshillohet me mjekun që ju ndjek gjatë shtatzënisë me qëllim që të mund të parashikojë ndonjë ndërlikim të mundshëm.
Megjithatë specialistët kanë përcaktuar si kohën më të mirë për të udhëtuar tremujorin e dytë të shtatzënisë, kur gruaja nuk vuan më nga të përzierat, gjendja emocionale është më e qëndrueshme dhe rreziku i abortit spontan është i ulët.
Udhëtimi në tremujorin e tretë të shtatzënisë shpesh nuk rekomandohet, pasi përveç lindjes së parakohshme mund të shfaqen edhe probleme të tjera shëndetësore, siç janë hipertensioni i shtatzënisë ose tromboza venoze. Përveç kësaj, udhëtimi është shpesh i papërshtatshëm pasi gratë shtatzëna tashmë janë të kufizuara në lëvizjet e tyre.
Për shkak të këtyre komplikimeve të mundshme, linjat ajrore vendosin kufizime mbi fluturimet bazuar në fazën e shtatzënisë. Disa kompani ajrore kërkojnë një certifikate mjekësore që përcakton ekzaktësisht javët e shtatzënisë për të lejuar gratë shtatzëna të fluturojnë.
Ka shumë arsye pse mjekët këshillojnë që një grua në këtë fazë të mos bëjë udhëtime të gjata gjatë shtatzënisë, por shumica e tyre është i mendimit se gjërat ndryshojnë nga rasti në rast. Nëse keni pasur probleme në shtatzënitë e mëparshme, probabiliteti i udhëtimit duke u këshilluar kundër do të jetë më i lartë. Nëse vuani nga gjakderdhja ose keni më shumë gjasa të keni fëmijë (p.sh. dy ose tre binjakë), është më mirë të shmangni udhëtimin me avion.
Specialistët thonë gjithashtu se ka rreziqe më të mëdha kur gruaja që pret fëmijën e parë është mbi 35 vjeç. Mjekët shpesh këshillojnë gratë shtatzëna të mos shkojnë në vende me lartësi ose ku mund të ekspozohen ndaj pickimeve të rrezikshme të insekteve.
Një shkak i përbashkët për shtyrjen e udhëtimit janë gjithashtu problemet shëndetësore siç janë sëmundjet e zemrës, presioni i lartë i gjakut, anemia ose format e rënda të astmës.
Shumica e grave shtatzëna pyesin veten nëse udhëtimi në ajër është i sigurt për shkak të rrezatimit gjatë kontrolleve të sigurisë dhe gjatë fluturimit.
Por edhe pse niveli i rrezatimit në ajër është pak më i lartë se në tokë, specialistët sigurojnë që nuk ka arsye për t’u shqetësuar nëse kryeni udhëtime të gjata. Edhe kontrollet me detektorë metali nuk paraqesin rreziqe të veçanta duke pasur parasysh sasinë shumë të ulët të rrezatimit në të cilën udhëtarët janë të ekspozuar. Nëse udhëtoni shpesh për arsye pune, është mirë që të konsultoheni me mjekun tuaj, i cili mund t’ju këshillojë që të ulni numrin e fluturimeve gjatë shtatzënisë.
Nëse e keni ndarë mendjen të bëni një udhëtim të gjatë me avion, duhet të ndiqni këshillat e mëposhtme:
1. Flisni me mjekun që të vlerësojë nëse udhëtimi është i sigurt apo rrezikoni të keni komplikime.
2. Merrni një sigurim të përshtatshëm shëndetësor dhe kontrolloni se ku janë objektet shëndetësore në vendin e destinacionit.
3. Para largimit, kontrolloni nëse keni nevojë të vaksinoheni dhe nëse vaksina mund t’i shkaktojë dëm fëmijës tuaj.
4. Kontrolloni me kompaninë ajrore me të cilën do të udhëtoni rregullat e fluturimit për gratë shtatzëna – disa linja ajrore ndalojnë fluturimin tek gratë që kanë kaluar javën e 35-të.
5. Para udhëtimit pini shumë ujë por mos merrni pije që përmbajnë kafeinë ose alkool.
6. Mundohuni të lëvizni sa më shumë që të jetë e mundur edhe gjatë fluturimit, për të shmangur ënjtjen e këmbëve dhe formimin e mundshëm të trombozës në venat e këmbëve. Rekomandohet të bëni disa hapa çdo 30 minuta.
7. Vishni rroba të rehatshme. Gjëja më e mirë është që të vishni rroba elastike dhe këpucë të rregullueshme për shkak të mundësisë së ënjtjes së këmbëve
8. Kini parasysh të rezervoni të një vend afër korridorit apo daljeve, me qëllim që ta keni më të lehtë dhe më të shpejtë mundësinë e asksesimit të tualetit.
9. Pyesni mjekun tuaj që t’ju këshillojë për përgatitjet e mundshme të udhëtimit (p.sh. vitamina ose preparate kundër kapsllëkut, urthit, hemorroideve dhe probleme të tjera të lidhura me shtatzëninë). 10. Kur të uleni në avion kini parasysh të lidhni rripin e sigurisë poshtë barkut.
