7 Marsi, Boçi: Arsimi në Shqipëri, jo prioritet për Ramën

 

Deputeti i Partisë Demokratike Luciano Boçi përmes një deklarate për mediat ka uruar mësuesit në të gjithë vendin për 7 Marsin, e gjithashtu ka shprehur solidaritet për shqetësimet e tyre.

 “Japim sot urimet më të bukura për misionarët e dijes. Por njëkohësisht shprehim solidaritet për shqetësimet që nisin nga keqpagesa deri tek pasiguria e vendit të punës”, theksoi Boçi.

E sipas tij, kjo situatë vjen pasi Arsimi nuk është prioriteti kryesor në qeverinë Rama.

“Arsimi në Shqipëri ndër zërat më të keqfinancuar në buxhet. Mësuesve shqiptarë u është mohuar paga e 13-të prej disa vitesh”, u shpreh Boçi, duke kërkuar nga kryeministri Rama dhe ministrja e Arsimit, Lindita Nikolla pse pas 9 muajsh nuk u kanë dhënë mësuesve kontratën kolektive.

Në përfundim të fjalës tij Luçiano Boçi, teksa theksoi se: “Arsimi rimëkëmbet duke investuar, duke rritur pagat e mësuesve dhe pedagogëve, duke siguruar tarifa të përballueshme për studentët dhe treg pune për të rinjtë. E sëbashku do t’ia arrijmë”.

Top Channel

- ISLAMSHOP.CH -spot_img

LEXO MË SHUMË

Së fundi